Low na naman ang Ate nyo...hindi na naman mapakali at parang gustong manabunot. Ang buhay mag-asawa naman hindi talaga laging heaven...madalas ang pagtatalo, madalas ang hindi pagkakaunawaan.
Kayo rin naman ang mag-isip, ang magkapatid nga since birth nang magkasama, nagrarambulan pa rin. Yun pa bang dalawang tao na walang kaalam-alam sa isa't isa, walang parehong dugo na nananalaytay--pagsamahin mo yan sa iisang bubong--parang Pinoy Big Brother style--lalabas at lalabas din ang tunay na ugali...
...at oo, kahit mahal na mahal nyo pa ang isa't isa. Si God lang talaga ang mainam na referee. Dahil kung hindi dahil sa takot nyo sa Kanya--aba eh todo rambulan na talaga. Ang siste kasi pagdating sa gabi, bago matulog--magpe-pray kayo diba? Alangan naman, mag sumbungan kayo sa Nasa Itaas?
..."sya po kasi eh, kinain yun natitirang hotdog...hindi man lang inisip di pa po kumakain ang kabiyak nya"..."pwede naman pong magpirito uli"...,parang ganon?
Minsan na kaming nag away mag asawa na super childish ang dating...ng dahil sa Dance Revo! Nagbakasyon kami sa Pilipinas, year 2006--opo, meron na kaming Paolyne. Tulog ang bata kaya pwedeng maglaro (ehem). Pagkatapos maglaro, naisipan uli naming maglaro--dance revo nga. Kaya lang may hugasin pang mga pinagkainan sa kusina kaya pinipilit pilit ko sya na tapusin muna ang hugasin (its not because I'm the wife eh ako na nga ang maghuhugas ng pinggan--syempre relyebo yan!) bago kami maglaro.
Pero sige, nauto nya ako kaya naglaro na nga muna kami--nung una masaya. Sayaw lang ng sayaw--maya-maya natatalo na, napipikon na at tinutukso kong "tuod". Ilang minuto pa, pikon na--nasasapawan na sa mga dance moves-nyahahahaha!
Sinabayan ko pa ng "ako muna kasi, hugasan mo muna ang mga pinggan--nakakahiya sa nanay". At dahil ayaw pang tumayo, nag walk out na ako--sya na lang kako mag isa maglaro at ako na ang maghuhugas ng pinggan. Dun na sumabog ang inis...galit na galit sa akin--pang asar daw ako!
Yun po ang away dahil sa Dance Revo, bow!
Mainitin naman talaga ang ulo ng asawa ko--madalas nya akong pagalitan. Ewan ko, trip lang nya. Yung mga tipong "wag kalimutang nakabukas ang cylinder gas", "wag gagamitin ang underpass lalo na kung walang ilaw", wag ito..wag yan..control freak sya--na maypagka nagger. Ahuh. "Mas" sya ang nagger.
Mahal ako ng asawa ko, sobra. Pero yung ugali nya--minsan hindi ko kaya. Yung sigaw--malakas lang talaga ang boses nya. Yung tantrums--mainitin lang talaga, kulang sa sports. At marami pa.
Minsan na akong nagwala---hinambalos ko sya ng bonggang-bongga! Anyways, sya ang nagturo sa akin na sumuntok, eh di gamitin!
Hehehehe! Ansaya namin no?
Pero lahat naman yan natural lang--napagdadaanan ng mag-asawa. Actually, compatible kaming mag-barkada--which is what we are before--barkada.
Compatible kami sa kalokohan--trip namin ang maupo sa isang lugar at pintasan ng pintasan ang mga nagdadaan. Feel na feel namin ang kumain ng ice cream sa cone tas hahayaang matunaw at saka mo hahabulin ng kakadila! ehehehe.
Gustong-gusto namin ang maglakad ng maglakad at pag usapan ang mga tao sa buhay namin noon--mga nakalipas, mga memories ng kabataan.
Mahilig rin kami sa movies. Mahilig kami sa lumang pelikula lalo na kung FPJ o basta kasama si Pacquito Diaz.
Marami mang bagay na opposite kaming mag asawa, isa lang ang napagkasunduan namin--hanggang kaya, hanggang huli--hanggang mamatay--tayo ang magkasama.
Hindi namin anniversary, hindi rin monthsary--nag-away pa nga kami kanina eh...gusto ko lang ipaalala sa kanya--sya ang pinili ko dahil mahal ko sya! Yun lang naman.
P.s. Kasi nga diba...hindi lang patalim ang nakakasugat at hindi lang lata ang maingay.
Ekkk...nakalimutan ko, ba't nga ba ganyan ang title ng post ko? Kasi nag iisip isip ako--baka kasi mapagdesisyunan ni God na, super nice naman ako--at hindi naman ako ganon ka naughty--at kung sakaling bigyan Nya ako ng reward..ano ba ang gusto ko...trip to:
a) Boracay (Discovery?--yan ay pag bongga ang award sa akin ni Lord)
b) Puerto Galera (Pwede na diba? basta kasama ang pamilya)
c) Bohol (Ito ay pag gusto Nya akong supresahin!)
By Air kung bongga talaga--by sea--basta wag lang babagyo.
Never pa akong nakarating sa mga lugar na yan eh...kaya sana...sana...sana.
Opo, papakabait na ako--at magiging masunuring asawa na rin. Ehem.
